IrriSarri Bike Park

IrriSarri Land-eko Bike Park-a mendiko bizikletaz gozatzeko diseinatua dago, ingurune naturalean. Guztien segurtasuna bermatzeko, mesedez, errespetatu arau hauek:

Segurtasuna eta Ingurumena

• Ingurune naturala. Bike Park-a fauna eta flora autoktonoa duen ingurune naturalean dago. Errespetatu ingurumena, bideak eta animaliak.
• Oztopoak. Parkeak etengabeko mantentze-lanak egiten ditu, baina adarrak, harriak edo bestelako oztopo naturalak ager daitezke. Jaitsieran oztopo arriskutsuak aurkituz gero, saihestu eta jakinarazi Bike Park-eko langileei kendu ahal izan ditzaten.
• Seinaletika. Errespetatu parkean dagoen seinaletika eta ezarritako zirkulazio-noranzkoak.
• Animaliak. Zirkuituetan animaliak aurkituz gero, trabarik ez egin eta utzi lasai alde egiten.
• Mantentze-lanak. Ez aldatu zirkuituak. Edozein aldaketa IrriSarri Land-eko baimendutako langileek egin behar dute.

Ekipamendua eta babes-neurriak

• Derrigorrezko babesak. Kaskoa eta belaunetakoak erabiltzea derrigorrezkoa da.
• Gomendatutako babesak. Ukondo-babesak, petoa eta betaurrekoak erabiltzea gomendatzen da.
• Bizikleta. Bizikletak egoera mekaniko ezin hobean egon behar du eta jaitsiera praktikatzeko egokia izan behar du.

Sarbidea eta adina

• 18 urtetik beherakoak. 18 urtetik beherakoek Bike Park-era sartzeko, adin nagusiko baten baimen sinatua eraman beharko dute:
  • Jardueran arduradun moduan.
  • Adingabeak jarduera bere erantzukizunpean bakarrik egin ahal izateko.
• Dirt Park eta Pump Track. Bike Park orokorrean ezarritako adin-murrizketa berdinak aplikatzen dira.

Asegurua

• Sarrera ASEGURUAREKIN kontratatubaduzu. Asegurua kontratatzen den egunean bakarrik egongo da indarrean, eta ezin izango da gertaeraren berri eman data igaro ondoren. Zaurituaren gastuetan estaldura sartzen da, medikuak edo artatzen duen taldeak agindutako tratamendurik egokiena emateko ospitaleraino garraiobiderik egokiena erabiltzeagatik, 1.000€-ko mugaraino.

• Sarrera ASEGURURIK GABE kontratatu baduzu. Istripua gertatuz gero, ez duzu inolako asegururik izango, zure aseguru-etxeari edo federazioari jakinarazi beharko diozu, edo kostu guztiak zure gain hartu.

Parkean bete beharrekoak

• Abiadura. Egokitu zure abiadura zure gaitasunen eta lurzoruaren baldintzen arabera.
• Aurreratzeak. Aurreratu arretaz eta aurretik doan txirrindulariari jakinaraziz.
• Geldialdiak. Geldialdiak horretarako prestatutako guneetan eta zirkuituetatik kanpo egin.
• Errespetua. Errespetatu beste erabiltzaileak eta ekidin beste batzuk arriskuan jar ditzaketen jokabideak.
• Debekuak:
  • Debekatuta dago alkohola edo drogen eraginpean ibiltzea.
  • Debekatuta dago kontrako noranzkoan ibiltzea.
  • Debekatuta dago instalazioak edo seinaletika hondatzea.
  • Debekatuta dago argazkiak edo bideoak helburu komertzialekin egitea.

Jardueraren gozamena

Jarduera osorik gozatutakotzat joko da bezeroak:

• Instalazioetara sartzen denean. Bezeroa ezarritako bilera-gunera iristen denean eta gida edo monitorearen argibideak jasotzen hasten denean, jarduera hasi dela ulertuko da, eta, beraz, gozatutako gisa hartuko da.
• Jarduera hasten duenean. Gure instalazioetatik kanpo egiten diren jardueretan, jarduera hasitzat joko da bezeroa gidaren ardurapean jarduerari ekiten dion momentutik.
• Ez bada agertzen. Bezeroa hitzartutako ordu eta tokian azaldu ezean, aldez aurretik jakinarazi gabe eta arrazoirik eman gabe, jarduerari uko egin diola ulertuko da eta, hortaz, gozatutakotzat joko da.
• Jarduera eteten badu. Bezeroak jarduera hasi ondoren, arrazoi pertsonalengatik bertan behera uztea erabakiz gero, ez da dirurik itzuliko.

Eguraldiaren baldintzak

Jarduerak eguraldi-baldintzak alde batera utzita egingo dira, betiere parte-hartzaileen segurtasuna arriskuan ez badago. Eguraldi txarrak jarduera segurtasunez egitea eragozten badu, bezeroari aukera hauek eskainiko zaizkio:

• Jarduera birprogramatzea, kostu gehigarririk gabe, baldintzak ahalbidetzen badute.
• Jarduera aldatzea, alternatiba gisa beste jarduera batzuk badaude.

Erantzukizuna

• Arriskua. Mendiko txirrindularitza arrisku-kirola da. Erabiltzaile bakoitza bere segurtasunaren arduraduna da eta zirkuitu bati aurre egin aurretik bere gaitasunak ebaluatu behar ditu.
• Erantzukizun-salbuespena. Parkea ez da erabiltzailearen ezgaitasunagatik edo instalazioen erabilera desegokiagatik gerta daitezkeen istripu edo lesioen arduraduna izango.

Zirkuituen seinaletika

BERDEA: Hastapenerako zirkuitua, jaitsierarako erraza.

URDINA: Maila errazeko bidexka motako saihesbideak.

GORRIA: Adituentzako zirkuitua, sestra- eta jauzi-aldaketa handiak.

BELTZA: Ibilbide profesionala desnibel handiko bidexkekin.

Zirkuitu bakoitzerako gomendatutako adin minimoa